Jolup Yesu Ne Lando Wach Maber

Mich mar Roho Maler.

E kinde mar ndalo prangwen mane Yesu otuch ni jopuonjrene bang chier. Nonyisogi ni mondo kik giwuok Jerusalem nyaka giyud mich mar Roho Maler mane osesing’negi. (Johana 14:16). E sura mar ariyo mar kitabu mar Tich joote, wasomo sigand jopuonjre Yesu mane timo mana kaka nosechikgi. Negichokore kanyakla eka apoya nono negiwinjo dwol maduong’ machalo yamo kakudho ot mane gintiere. Negineno gik machalo ligek mach ka nitiere kuom ng’ato ka ng’ato. E okang’no giduto ne giyudo Roho Maler.

Kane gisepong’ gi Roho Maler, giduto ne gichako wuoyo gi dhok mayore yore (Tich joote 2:4).

Notimore mana ni kane jopuonjre Yesu opong’ gi Roho Maler, ne nitirere tara gi tara mar oganda moa e pinje mokiewo gi Jo-Israel mane obiro Jerusalem e nyasi Jo-hibrania. (inyalo somo nyinge pinjego e Tich joote 2:8-11). Kuom hono, welogo duto ne winjo jopuonjre ka wacho wach maber mar warruok ma iyudo kuom Yesu mana ka iwacho e dhokgi.

Japuonjre ma en Petro, nochiwo puonj kuom Yesu. Jal mane oganda oseguro kata obedo ni noonge ketho. Ma en wuod Nyasaye. Nonyiso ogandano ni warruok iyudo mana kuom Yesu! Omiyo ji mang’eny chunygi notur kuom puonj Petro kendo jii moloyo 3,000 noyie kuom Yesu kaka Mesia kendo Jawar mar piny e odiochieng’no.

Odiochingno’ ema nobedo kaka chakruok mar oganda joma oyie kuom Yesu. Parie kaka oganda maduong’no kane odok thurgi kendo onyiso osiepegi kod joodgi kuom wach warruok ma iyudo kuom Yesu. Jogo mane luwo “yoo” kaka niluongo kanisa endalono nomedore e pinje ma sani iluongo ni “the middle east and Mediterranean Europe”. Kitabu mar Tich joote ema otigo sigana mar kaka jopuonjre Yesu nolando wach Maber.

Lokruok Kod Sand

Pare ni e Jerusalem ema jopuonjre nopong’ kod Roho Maler, kendo bende ei Jerusalem ema puonjo jii kuom Yesu noyudo akweda maduongie moloyo’. Chutho, kanyo bende ema nogurie Yesu. Sand mowuok kuom jotend Jo-yahudi mane onego Yesu koro nochik kuom jopuonjre Yesu.

Stefano, mane jachir kuom puonjo Wach Maber mar Yesu, ema nobedo jal mane oneg mokwongo nikech nolando injili. (Tich joote 6:8-7:60).

Lokruok Maduong’ie Moloyo

Kopogore gi Kaiafa kod jodolo mamoko mane telo e buch Yesu. Ne nitiere Jayaudi moro mane nigi kinda mane oseng’ado e ngimane ni obiro nego kendo tieko jopuonjre Yesu. Nying jalno ne en Saulo ma ja tarsis.

Saulo nokwayo kendo noyudo barua kuom Jodolo mag hekalu mantie Jerusalem mondo omak kendo otue Jayahudi moro amora ma oyie kuom Yesu.

Chieng’ moro, kane oyudo Sauli dhii e dala mar Damaski mondo omany joma oyie kuom Yesu e sinagogi. Eka nopo ka ler mang’ang’ni koa e polo omenye. Nopodho piny e loo kendo nowinjo dwol ka penje niya “Saulo, isanda nang’o? (Tich joote 9:1-19).

“in ng’aa” Saulo nopenjo, ne en Yesu wuon ema ne wuoyo gi Saulo, Nyasaye noseyiero Saulo mondo okel Wach Maber mar Yesu Kristo ni joma ok Jo-yahudi kuonde duto (Tich joote 9).

Kane Jo-yahudi moyie owinjo ni Saulo bende osieyie kuom yoo, ne okgiyie kuom wachno! Mondo mi nolokre koweyo bedo jasikgi maduong’ie moloyo mond obedie jayalo maduong’ie moloyo ne en wach miwuoro ahinya. Nokao kinde mang’eny ahinya mondo Jo-yahudi moyie mondo oruak wach lokruok Saulo. Ne pod giluore koluwore gi sand mane okelonegi e ndalo mokwongo.

Paulo nowuotho mabor ahinya kolando injili mar Yesu. Inyalo somo kuom wuodhege e Tich joote 11:25-Tich joote 25. Nosande malich nikech nopounjo kendo yalo kuom Yesu. Bange, nomake kendo notweye Rumi. E kinde mane entire e tuech, Paulo nondiko barupe mang’eny ni kanisni mane okere e pinje Europe ma osechok e Muma Manyien. Kokadho kuom lokruok mar Paulo, wayudo Muma ma miyo jalup Yesu chike kod mijing’o, geno kod adiera. Somo barupe Paulo en pounjruok kaka onego idagi kaka jalup Yesu.