Kaka Inyalo Dak Kaka Jaluwo Yesu?
Kaka ne wawacho e chakruok mar kitabuni, Jalup Yesu en ng’at ma oseng’ado wach mar dago ngima mar luwo Yesu kod dwaro mare e ngimawa. Kit ngima Yesu ne oluwore gi chike apar mag Nyasaye (Wuok 20:1-17). Dak kaka Yesu nodak, chakore gi kanyo.
Nitiere yore ariyo mag puonjruok e Muma kaka Jalup Yesu onego odagi:
- Somo kendo winjo puonj kod yalo koa kuom weche Yesu e kitepe angwen mag Injili. Winjo pounj, kod yalo en yoo maber mar gero ngimani mar Roho, kata kamano ONGE GIMA NYALO KAO KAR somo Muma kendi iwuon.
- Som kendo iwinj puonj kod yalo mag Pauolo kod jondiko moko mag Muma Manyien. Nyadichiel kendo, onge gima ber manyalo kao kar somo Muma kendi in iwuon.

Yien mar mzabibu kod jang’ yien
Onge kaka inyalo wacho ni puonj Yesu moro kata moko ni duong’ kata ber moloyo mamoko. Puonj e wi got ( kuma opuonjo kuom mor maradier- Mathayo 5 kod Luka 6) e puonj ma thoth jii ong’eyo. Kopo ni gin’geyo puonj mag Yesu. Kata Kamano nyadimang’eny atiyo gi puonj mantiere e kitabu mar Johana
- Johana 15:1-7- Wach maduong’ e ngima japuonjre Yesu

Maduong' mogik e gigi en Hera
Bang lokruokne, Paulo ja tarsis ne en jayalo mane yalo kuom Kristo bende ne en Jandiko maduong’. E barupe mokwongo ni Jopwonjre Yesu mane odak e Korintho (Greec). Ne onyiso ngima ma ochiwore ma en kit Yesu.
- 1 Jokorintho 13:1-13- Ngima ma jakristo onego odagi.
Lokruok mar paro
Paulo nyisowa e kitabu mar Jo-Rumi (12:2) mondo kik wachal gi piny, to mondo walokre ka wanyieno parowa. E barua mane ondiko ni jolup Yesu mane odak e pny jofilipi (Greece). Onyisowa kaka wanyalo chopo wachno.
- Jogalatia 5:22-26- ngima michiko gi Roho Maler.
Olemo mag Roho
Yesu nopuonjowa, kendo barupe duto mag Jopuonjre siro ni wanyalo geno chandruok e ngimawa, bedo japuonjre Yesu ok en ohinga kuom chandruok ma jii yudo e ngima. E kitabu mar Jakobo, imiyowa yo manyien mar rango chandruok. Ginyalo bedo okenge mabeyo mag dongruok.
- Jakobo 1:2-4- Bed gi mor e Charuokni.
Dongo ei yie
Japuonjre ma en Petro nondiko barupe ariyo ma oketi e Muma Manyie. E barupe mar ariyo, ondiko kaka ng’ato nyalo dongo e yie kuom Nyasaye.
- 2 Petro 1:3-8 bedo Jalup Yesu man inyal gen
