Giko mar Sigana

Kitabu mar Fweny.

Kitabu mar Fweny wuoyo kuom fweny mane omi Jaote man en Johana e kinde mane odak e twech e chula ma Patmos. Onyalo bedo buk matekie somo mogik e Muma. Fweny nondiki e kinde mane sand mar jopuonjre Yesu duong’ie moloyo, jorieko wacho ni nyalo bedo ni nondike e yoo ma joma nodak e ndalo Johana ema ne nyalo winjo tiende maber. Jomamoko oyie ni moko kuom fweny mondiki e kitabuno osechopo kare ka ok ni gitee. To mana kaka Jonabi mag Muma machon, Johana nyalo bedo ni neneno fweny mag gik mabiro timore e ndalo mambele. Kuom ranyisi, Satan, ma en chakruok mar richo e piny, inyiso ni oloo manyaka chieng’, to chutho nikech richo pod nitiere e piny, nyiso ni kor ni pok ochopo kare. Kata obedo ni tek winjo tiend picha moko motigo e buk mar Fweny, onego isome kata dichiel. Fweny 1:3 Singonwa gweth ni jogo mosome. Barupe mondikne kanisni abiriyo (Fweny 2-3) pod nigi puonj ni kanisa ma kawuono. Kendo, ka isesomo puonj mag Jonabi mag Muma Machon, ibiro yudo chal I yor ndiko. Kata obedo ni ok wasomo gimoro kendo e buk mar Fweny, to onego watem mar somo kata mana sura mogik, sura 22, e surano wayudo geno kuom gik ma Nyasaye oseikonwa ka wadhi kode e dalawa mosiko manyaka chieng’.