Muma en ang’o?

Buk achiel maduong?

Achiel kuom gik ma wafuenyo kuom Muma en ni ok en buk achiel ngang, to en kanyakla mar kitepe 66! Kata obedo ni waluongogi ni kitepe, Muma chutho oting’o mana sigendni, istoria, ngeche, wende, ngima jii kod ote moko. (par ni ma ne en kinde mane pok ote mar mbui ofwenyore).

Nikech en gi ndiko mopogore opogore, nyading’eny Muma ok som koa chakruok nyaka giko kaka itimo gi kitepe mamoko ma ndalogi (kata obedo ni pod inyalo some kamano). Chutho, jomaoyie somoga kama giyango, kaka sigendini kuom Yesu kod wende mag pak mondiki ni Nyasaye.

E otese man nyime onyise kaka kitepe mantiere e Muma okete e okenge mopogore opogore (girube).

Mondo mi wafweny gima omiyo Muma ondiki e kitepe mopoge mang’eny, mano konyowa ng’eyo istoria mar Muma kendo bende kaka ne ochopo ma ondike. Nyasaye nochako jiwo ji mondo ondik ote-ne ne joka dhano e kinde mar higni 3,000 mosakadho (tarige mokwongo okoyangore malong’o). kuom kinde madirom higni 1,600, jondiko ma ok tinne 44 mane odak e kinde mopogore opogore kod kuond mopogore opogore e piny nondiko gima ne Nyasaye ochikogi mondo giwachi. Kata kamano, kata obedo ni nitiere jondiko mopogore opogore, Muma wuoyo mana kuom sigana achiel. Sigana machiko jii kuom Yesu, mane en jaote Nyasaye maduong’ ne piny.

Muma nyalo nenore ka buk maduong’ ahinya. Jok moko bende paro ni Muma nigi weche mopondo kendo ma tek winjo. Bende nyalo bedo ni osenyisgi ni jopuonj kod jodolo kende ema nyalo winjo tiend weche mantiere e Muma.

Mano emomiyo en gima ber ng’eyo ni Muma en ang’o. En ote Nyasaye NI JII DUTO e pinje duto mondiki modo jii ajiya osom (jii duto).

Barua mar singo en ang'o?

Kawawinjo nying mar Singruok to nyalo miyo waparo ni en dwaro. (dwaro mogik kod singruok) tiende ni, barua ma yango kaka ng’ato gombo mondo gike obedi bang’ thone. Ei Muma, kane pok Yesu obiro e piny, Nyasaye ne okwongo onyiso dwarone ni mondo ji ong’eye kendo olame kaka Nyasaye achiel KENDE. Kuom mano, Nyasaye ne dhi weyo ne dhano richogi. Kitepe mokwongo mag Muma, tiende ni weche mantiere e Muma machon ema nyiso kaka dhano nobedo kaluwore gi dwaro Nyasaye.

Nikech joka dhano ne ok oluwo dwaro Nyasaye. Nyasaye ne oketo yo manyien mondo mi ginyal yudo ng’uono. Ka ooro Yesu, wuode ma miderma e piny mondo otho nikech richogi. Sigendni mag Yesu kod jogo mane oyiero luwe e sigendni mantiere e Muma manyien, kod kaka weche biro bedo kuom joka-dhano mane ochweyo. Omiyo Muma opog e migepe ariyo, tiende ni, Muma machon kod Muma manyien. Kitepe mane ondiki kane pok Yesu obiro e piny kod mago mane ondiki bang’e.

Ere kaka anyalo yudo ndiko Moro e Muma?

Mondo somo Muma onyal bedo mayot, en gima ber ng’eyo nyinge kitepe mantiere ei Muma, kata obedo ni mako nyingego nyalo nenore tich matek, mako nyinge kitepe kaka opangore e Muma nyalo konyo. Ket ageta ni in iwuon mar mako nyinge 10 e odiochieng’. Ka imedo apar mamoko to bed gi adiera mar wacho apar mamoko mane ikwongo mako. Kamano, inyalo wachogi giduto kaka gipangore.

Ka iridori piny mar bugni,, ondiki nyinge mag kitepe mantiere e Muma mana kaka gipangore, inyalo tiyo kodgi ng’eyo kendo mako nyingego. Nyinge moko nyalo bedo matek wacho, kaka ranyisi en buk mar ayubu. Ka in gi penjo kuom kaka onego isom nying moro to kik ibed gi luoro mar penjo japuonj Muma kata jayalo mantiere e kanisa ma ilemoe.

Yaw Muma e otas moro amora to ibiro neno migepe mang’eny man gi nembni e wigi. Magi iluongo ni wes. Wes mang’eny iluongo ni sura (kendo sura duto ok romre kuom kwan mar wes ma gin godo) mak mana buk mar Obadia mantiere e Muma machon kod kitepe mag Filemon 2 kod johana 3 kod Juda mantiere e Muma manyien to onge sura.

Ka ji wuoye e wach moro ei Muma, gitiyo gi gima iluongo ni ‘sura kod wes’. Ka ng’ato dwaro ni mondo iyud wes mar apar gi auchiel e sura ma kitabu mar Johana. Ibiro neno ka ondike ni Johana 3:16.

E okenge machal kamae ema miyo mako nyinge Muma bedo maber. Ibiro ng’eyo ni Johana e kitabu mar ang’wen e Muma manyien. Kiseyudo kitabu mar Johana, eka ibiro manyo sura mar adek, eka giko iyao wesne mar apar gi auchiel. Kamano e kaka indiko weche e Muma Johana 3:16(seche moko kitepego indiko e yo machiek). Ka irango wes moloyo achiel, to ibiro ndike kamae, Wuok 20: 1-17. Maeri tiende ni ibiro yudo wes mokwongo mar apar gi abiriyo mar sura ma prariyo mar kitabu mar wuok. Yot ka kek!